Vitan er pallurin - forvitni er drívmegin
SitemapRSS

Um –sa klitika

Frá hans-a, hennar-a, okkar-a til Jákupsa og børninisa.
Ommusa kleynur.Ommusa kleynur.

Í nýggjasta Arkiv för Nordisk Filologi, nr. 131 er ein grein um –sa klitika í føroyskum. Í greinini verður víst, hvussu hetta klitika spreiðir seg í nútíðarmálinum. Upprunaliga varð tað brúkt saman við skyldskaparorðum eins og ‘ommusa kleynur’ og sernøvnum eins og ‘Lenusa John’.

Í greinini verður víst, at –sa nú er brúkt saman við sernøvnum eins og ALS ‘í ALSsa tíð’. Eisini eru dømi, har –sa klitika er brúkt saman við fornøvnum (hinumsa) og við navnorðum eins og ‘børninisa’ í ‘hví gert  tú tað so ikki fyri børninisa skyld’.

Í greinini verður komið inn á upprunan til –sa. Sett er fram tann hypotesan, at hetta er tann gamla endingin í hvørsfalli í fleirtali. Hendan var upprunaliga sett aftur at persónsfornøvnum sum ‘hans-a’ (ein formur, sum er til hjá Svabo), ‘hennar-a’, ‘okkar-a’, ‘tykkar-a’. Haðani breiðir tað seg til sernøvn eins og ‘Jákupsa’ og er fyrstu ferð sætt í heitinum á táttinum ‘Jákupsa skegg’. Dømi eru eisini um, at hvønnfalsognarmynstur fáa –sa aftur at sum í Mattheusarevangeliinum í týðingini hjá Schrøter, har dømi eru um slíkt sum ‘hús Petursa’, ið gongur aftur til ‘hús Petur’. Her er –sa lagt afturat fyri at gera ‘ogn’ týðiligari.
 
Greinin er:
2016: “The Spread of the Phrasal Clinic sa in Faroese” í ANF 131:105-128

Samband
Hjalmar P. Petersen

Seinastu tiðindi

01.02.2017
Nýggja stýrið fyri Fróðskaparsetur Føroya hevur skipað seg
Nýggja stýrið fyri Fróðskaparsetur Føroya, sum tók við 1. januar, hevur skipað seg. Á fyrsta...
26.01.2017
Væleydnaður MA-fyrilestur
Nógv fólk komu at hoyra Lydiu Didriksen halda MA-fyrilestur á Føroyamálsdeildini 20. januar.
26.01.2017
Nýtt vísindaligt hjálparfólk á Føroyamálsdeildini
Sanna Andrassardóttir Dahl byrjar í starvinum 1. februar
25.01.2017
Fótbóltsvenjing er heilivágur fyri kvinnur við ov høgum blóðtrýsti
Verkætlan vísir, at fótbóltsvenjing er líka munadygg sum heilivágur ímóti ov høgum blóðtrýsti....
24.01.2017
VITSKA: Too Good To Go – minka um matoyðsl
Í kvøld, týskvøldið 24. januar kl. 19:30, halda vinnararnir av Umhvørvisviðursløn Norðurlandsráðsins...
Fleiri tíðindi...
Vísir 21 til 30 av 1682
Samband
Fróðskaparsetur Føroya
J.C. Svabos gøta 14
FO-100 Tórshavn
Tel.: +298 352500
Faks: +298 352501
setur(at)setur.fo
CMS::TypoConsult