Vitan er pallurin - forvitni er drívmegin
SitemapRSS

Nýggj ritstjórn fyri Fróðskaparrit tikið við

Eftir áheitan frá Fróðskapi hava Erla Olsen, Hans Andrias Sølvará og Magni Mohr átikið sær at verða ritstjórar fyri Fróðskaparrit.
10.05.2015Fróðskapur
Nýggj ritstjórn fyri Fróðskaparrit tikið við

Tey taka við eftir Dorete Bloch, sálu, og Elin Súsonnu Jacobsen, sum í heyst boðaðu frá, at tær fóru at leggja frá sær, tá rit nr. 61 var komið  út. Tað kom út í februar 2015.

Ritstjórnin hevði sín fyrsta fund 10. mai. Har avgjørdi ritstjórnin saman við forlagnum Fróðskapi at halda fram við útgávuni av Fróðskaparritum sum higartil. Miðað verður eftir at geva út rit nr. 62 til aðalfundin hjá Fróðskaparfelagnum, sum verður í november 2015.

Eins og higartil skulu allar greinar javnlíkametast, áðrenn tær kunnu verða góðkendar til útgávu í Fróðskaparritum. Hetta kann taka fitt av tíð. Semja var tí um at heita á granskarar, sum ynskja at fáa greinar í Fróðskaparrit 62, um at boða ritstjórnini frá sum allarskjótast. Evstamark fyri at senda lidnar greinar til ritstjórnina er 1. august 2015. 

Fráboðanir og greinar skulu sendast til teldupostadressuna frodskapur@setur.fo . Har ber eisini til at venda sær við spurningum um ritið.

Eitt av átrokandi málunum hjá nýggju ritstjórnini er at fáa ritið skrásett í ymsum dátugrunnum. Farið verður undir hetta arbeiðið beinanvegin. Uppá longri sikt er ynski at fáa ritið online við leypandi útgávu og open access. Hetta verður farið undir at kanna í leypi av árinum.

Fróðskaparrit er føroyskt vísindatíðarrit, sum er komið út í bók árliga síðani 1952. Nýggjastu bøkurnar fáast til keyps í bókabúðunum. Allar útgávur, uttan tann seinasta, síggjast eisini talgildar á heimasíðuni www.tidarrit.fo  

Seinastu tiðindi

06.03.2017
Minninarorð um Henriette Rasmussen
Beinta í Jákupsstovu skrivar minningarorð um Henriette Rasmussen, ið andaðist fríggjadagin
05.03.2017
Atlantic Airways knýtir ungdóm og lesandi nærri Føroyum
Sveiggj: nýggir flogferðaseðlar til ung og lesandi.
28.02.2017
Almenn móttøka fríggjadagin 3. mars kl. 15
Í sambandi við at Turið Sigurðardóttir, professari, fer úr starvi á Føroyamálsdeildini, verður...
23.02.2017
Har Hammershaimb møtir Marx og Freud
Móðurmálsdagurin 2017 verður í Løkshøll 25. mars
23.02.2017
Gestur í nýtt starv í Nuuk
Gestur Hovgaard verður instituttleiðari á Ilisimatusarfik
Fleiri tíðindi...
Vísir 1 til 10 av 1682
Samband
Fróðskaparsetur Føroya
J.C. Svabos gøta 14
FO-100 Tórshavn
Tel.: +298 352500
Faks: +298 352501
setur(at)setur.fo