Vitan er pallurin - forvitni er drívmegin
SitemapRSS

Hans hevði framløgu um makrelsamráðingar í Avstralia

Evnið var makrelsamráðingar og ávirkanin av flytingarmynstrinum hjá makrelstovninum, tá ið Hans Ellefsen, skrivari hjá búskaparráðnum og granskari á Fróðskaparsetrinum, helt framløgu á altjóða ráðstevnu um fiskivinnubúskap.
Hans Ellefsen, á altjóða ráðstevnu á QUT í Brisbane.Hans Ellefsen, á altjóða ráðstevnu á QUT í Brisbane.
Hans Ellefsen og Ralph Townsend, forseti fyri IIFET á ráðstevnuni í Avstralia.Hans Ellefsen og Ralph Townsend, forseti fyri IIFET á ráðstevnuni í Avstralia.

Tíðindaskriv

Altjóða felagsskapurin IIFET (International Institute of Fisheries Economics and Trade) varð stovnaður í 1982 við tí endamáli at menna vitan og skapa samstarv millum granskarar innan fiskivinnubúskap. IIFET ráðstevnan verður hildin annaðhvørt ár. Og í ár bleiv ráðstevnan hildin í Brisbane í Avstralia. Eini 300 fólk úr øllum heiminum vóru savnaði at umrøða fiskivinnubúskap. Ráðstevnan varð hildin á Queensland University of Technology í Brisbane.
Í ár luttók Hans Ellefsen, ph.d., og skrivari hjá búskaparráðnum, á ráðstevnuni. Hann helt eina framløgu av eini verkætlan, sum hann stendur á odda fyri við enska heitinum International Fisheries Agreement, Entry Deterrence and Ecological Uncertainty.  

- Í verkætlanini royna vit at greina makrelsamráðingarnar í Norðuratlantshavi. Vit royna at prógva, at atferðin hjá pørtunum verður stýrd av, um broytingin í ferðingarmynstrinum verður væntað at verða fyribils ella støðug. Millum annað er ein niðurstøða, at er talan um eina støðuga broyting, so skal Ísland hava ein størri part av býtinum fyri at skriva undir eina avtalu, sigur Hans Ellefsen.

Greina 50 ár
Fyrr í ár skrivaðu strandalondini og ES undir eina fimm ára avtalu um býtið av makrelinum. Ísland skrivaði ikki undir avtaluna. Í greiningini hjá Hans Ellefsen og øðrum verður hugt at, hvussu leikur fer fram, um hugt verður eini 50 ár fram í tíðina. Granskingin er innan spælteori, ið er ein háttur at greina atburð og avgerðir hjá fleiri pørtum í eitt nú einari samráðingarstøðu við støddfrøðiligum amboðum.
- Hetta evnið hevur øgiliga stóran týdning – ikki minst fyri føroysku samráðingarstøðuna, at vit kunnu meta um avleiðingarnar og ágóðarnar hjá øllum samráðingarpørtum, sigur Hans Ellefsen.


Fiskivinna í altjóða høpi

Fiskivinnan hevur sera stóran týdning fyri føroyska búskapin, og tí hevur tað eisini týdning, at føroyskir granskarar luttaka á altjóða ráðstevnum.
- Tað er sera áhugavert at hitta onnur, sum fáast við fiskivinnubúskap. Á ráðstevnuni eru nakrir av fremstu granskarunum í heiminum innan júst hettar økið. Fiskivinnan fyllir nógv í føroyska búskapinum og seinastu tíðina hevur kjakið einamest snúð seg um búskaparrentu, og tað er eisini ein týðandi táttur aðrastaðni, men økið fiskivinnubúskapur rúmar eisini so nógvum øðrum, sigur Hans Ellefsen.
Búskaparráðið gav fyri kortum út eitt upprit um búskaparrentu og tilfeingisrentu. Endamálið var fyrst og fremst at fáa allýst hugtøk, sum hava stóran týdning fyri kjakið um týdningarmestu útflutningsvinnurnar í Føroyum.

Uppritið kann lesast her

Seinastu tiðindi

06.03.2017
Minninarorð um Henriette Rasmussen
Beinta í Jákupsstovu skrivar minningarorð um Henriette Rasmussen, ið andaðist fríggjadagin
05.03.2017
Atlantic Airways knýtir ungdóm og lesandi nærri Føroyum
Sveiggj: nýggir flogferðaseðlar til ung og lesandi.
28.02.2017
Almenn móttøka fríggjadagin 3. mars kl. 15
Í sambandi við at Turið Sigurðardóttir, professari, fer úr starvi á Føroyamálsdeildini, verður...
23.02.2017
Har Hammershaimb møtir Marx og Freud
Móðurmálsdagurin 2017 verður í Løkshøll 25. mars
23.02.2017
Gestur í nýtt starv í Nuuk
Gestur Hovgaard verður instituttleiðari á Ilisimatusarfik
Fleiri tíðindi...
Vísir 1 til 10 av 1682
Samband
Fróðskaparsetur Føroya
J.C. Svabos gøta 14
FO-100 Tórshavn
Tel.: +298 352500
Faks: +298 352501
setur(at)setur.fo
CMS::TypoConsult