Vitan er pallurin - forvitni er drívmegin
SitemapRSS

Politiskt samskifti

Føroyamálsdeildin bjóðar út skeið á MA-stigi í politiskum samskifti. Skeiðið telur 10 ECTS og er ein liður í arbeiðinum at menna eina útbúgving í Samskifti og fjølmiðlafrøði.

Skeiðið byrjar í heyst. Spurt verður m.a., hvat politiskt samskifti er, og hvat eyðkennir politiskt samskifti í dag? Endamálið er at gera tey lesandi før fyri at greina, skilja og loysa ítøkiligar spurningar í politiskum samskifti. Við støði í útlendskum og føroyskum viðurskiftum verður arbeitt við ymiskum sløgum av samskifti og við teimum snildum, sum eyðkenna politiskt samskifti. Spurningarnir á skeiðinum verða viðgjørdir úr einum málsligum og einum mentanarligum og samfelagsligum sjónarhorni. Læruúrtøkurnar hjá studentunum verða m.a. innlit í ymisku sløgini av politiskum samskifti, vitan um og evni at greina serligar snildir í politiskum samskifti umframt innlit í politiskan journalistikk og uppií hesum leiklutin hjá fjølmiðlum.

Av tí at annar av lærarunum kemur úr Danmark, verða tveir teir fyrstu undirvísingardagarnir savnaðir í blokkar fríggjadag og leygardag. Eftir ætlan verður endað við einum almennum seminari. Lærarar á skeiðinum verða Kim Lilholt Ruggard, eksternur lektari á Århus Universiteti, og Páll Holm Johannesen, sum umframt útbúgving í samfelagsfrøði og miðlafrøði hevur arbeitt bæði sum journalistur og sum politiskur ráðgevi. Bergur Djurhuus Hansen á Føroyamálsdeildini hevur ábyrgdina av skeiðinum. Fyri áhugaði, sum ikki eru lesandi á Fróðskaparsetrinum, ber til at taka skeiðið sum gjaldsskeið. Treytin er viðkomandi útbúgving á BA-stigi.  

Skeiðslýsing til Politiskt samskifti (Sí Skeiðslýsingar heystið 2016)

Stødd: 10 ECTS
Stig: MA
Fortreytir: útbúgving á BA-stigi
Umsóknarfreist: 20. august 2016

Tilmelding

Tilmelding kann fara fram umvegis teldupost ella í avgreiðsluni á Føroyamálsdeildini.

Stakskeiðini í Politiskum samskifti og Almennari fagurfrøði, sum verða boðin út á Føroyamálsdeildini í heyst, byrja fyrstu og aðru viku í september. Umsóknarfreistin er 20. august.

Umsóknarblaðið skal saman við prógvum sendast fmd(at)setur.fo. Til ber eisini at fara á avgreiðsluna á Føroyamálsdeildini og avgreiða umsóknina har. Avgreiðslan er í V.U. Hammershaimbs gøtu 16 og er opin 9-13 hvønn gerandisdag. 

Tilmeldingarkunning og umsóknarblað

Samband
Føroyamálsdeildin
V. U. Hammershaimbs gøtu 16
FO-100 Tórshavn
Tel.: +298 352520
Faks: +298 352501
fmd(at)setur.fo