Vitan er pallurin - forvitni er drívmegin
SitemapRSS

Denne lov gælder ikke for Færøerne ...

Danska lógin um forboð ímóti dupultútbúgvingum fevnir ikki um persónar, ið hava tikið hægri útbúgving(ar) aðrastaðni enn í Danmark
Hevur tú tikið eina ella fleiri hægri útbúgvingar í Danmark, so kanst tú ikki taka eina hægri útbúgving aftrat - heldur ikki, um pláss eru tøk. Hevur tú hinvegin tikið eina ella fleiri hægri útbúgvingar í øðrum landi, so forðar nýggja lógarbroytingin ikki fyri tíHevur tú tikið eina ella fleiri hægri útbúgvingar í Danmark, so kanst tú ikki taka eina hægri útbúgving aftrat - heldur ikki, um pláss eru tøk. Hevur tú hinvegin tikið eina ella fleiri hægri útbúgvingar í øðrum landi, so forðar nýggja lógarbroytingin ikki fyri tí
SU-reglurnar eru ikki broyttar í sambandi við ásetingina um forboð ímóti dupultútbúgving. Tí hevur tú rætt til SU og uttanlandsstudning, um tú uppfyllir treytirnarSU-reglurnar eru ikki broyttar í sambandi við ásetingina um forboð ímóti dupultútbúgving. Tí hevur tú rætt til SU og uttanlandsstudning, um tú uppfyllir treytirnar

19. desember samtykti Fólkatingið eina broyting í lógini um ‘adgangsregulering ved videregående uddannelser’. Ásetingin verður nevnd lógin um ‘forboð ímóti dupultútbúgving’. Meginreglan framyvir verður, at tað ikki ber til at taka eina útbúgving, sum er á sama støði ella á lægri støði, enn tann hægsta útbúgvingin, sum tú hevur frammanundan.

Tað vil siga, at hevur tú t.d. einans eina bachelorútbúgving, so kanst tú ikki fara undir eina bachelorútbúgving aftrat (sama støði) og heldur ikki eina stutta ella meðallanga hægri útbúgving, t.d. handilsbúskap (lægri støði enn bachelor). Hevur tú eina kandidatútbúgving, so kanst tú heldur ikki taka nakra av nevndu útbúgvingum, eftirsum tær eru á lægri støði enn kandidatútbúgvingin, og heldur ikki eina aðra kandidatútbúgving (sama støði).

Einans um tú hevur tikið útbúgving í Danmark
Ein upplagdur spurningur er, hvønn týdning hetta hevur fyri lesandi, ið hava tikið eina bachelor- ella masterútbúgving í Føroyum. Holger Arnbjerg á Altjóða Skrivstovuni hevur í hesum sambandi sett seg í samband við útbúgvingar- og granskingarmálaráðið.

- Svarið frá løgfrøðideildini har er, at ásetingin fevnir einans um persónar, ið hava tikið eina útbúgving í Danmark. T.v.s., at avmarkingin fevnir ikki um persónar, ið hava tikið útbúgvingar í t.d. Føroyum, Grønlandi, Bretlandi og sum eru fíggjaðar har ella av tí lesandi sjálvum, upplýsir Holger Arnbjerg. Hevur tú t.d. tikið eina masterútbúgving á Setrinum, so er einki til hindurs fyri at taka eina bachelor- ella eina kandidatútbúgving í Danmark.

Trý undantøk
Holger Arnbjerg sigur, at í verki fær forboðið ímóti dupultútbúgving gildi frá summarupptøkuni í ár, og at tað eru trý undantøk frá meginregluni:

- Eitt av teimum eru útbúgvingar, ið granskingar- og granskingarmálaráðið setur á ein sokallaðan positivlista, tí tørvur er á arbeiðsmegi innan viðkomandi útbúgvingarøki: Tú kanst taka hesar útbúgvingar, sjálvt um tú hevur útbúgving frammanundan. Tú kanst eisini taka eina aðra hægri útbúgving, um tú av heilsuorsøkum ikki fært brúkt eina útbúgving, sum tú hevur tikið, ella um tú hevur eina avoldaða útbúgving, sum tú ikki hevur brúkt á arbeiðsmarknaðinum í  minst fimm ár, sigur Holger Arnbjerg.

Forboðið ímóti dupultútbúgving forðar ikki fyri, at tað ber til at fara uttanlands at taka eina hægri útbúgving á sama ella lægri støði enn tú hevur frammanundan, sjálvt um tú hevur tikið eina ella fleiri hægri útbúgvingar í Danmark. Forboðið hevur heldur ikki nakra ávirkan á SU-veitingarnar, meðan tú lesur uttanlands: Uppfyllir tú treytirnar fyri at fáa SU og uttanlandsstudning, so hevur tú – enn sum áður – rætt til hesar veitingar.

Fevnir einans um hægri útbúgvingar
Ásetingin um forboð ímóti dupultútbúgving fevnir einans um útbúgvingar innan økið hjá útbúgvingar- og granskingarmálaráðnum. T.v.s., at ásetingin er ikki til hindurs fyri, at ein persónur, ið hevur tikið eina bachelorútbúgving í Danmark, kann fara undir t.d. eina vinnuútbúgving sum kokkur ella timburmaður.

Les meira um forboðið ímóti dupultútbúgving her.


Seinastu tiðindi

06.03.2017
Minninarorð um Henriette Rasmussen
Beinta í Jákupsstovu skrivar minningarorð um Henriette Rasmussen, ið andaðist fríggjadagin
05.03.2017
Atlantic Airways knýtir ungdóm og lesandi nærri Føroyum
Sveiggj: nýggir flogferðaseðlar til ung og lesandi.
28.02.2017
Almenn móttøka fríggjadagin 3. mars kl. 15
Í sambandi við at Turið Sigurðardóttir, professari, fer úr starvi á Føroyamálsdeildini, verður...
23.02.2017
Har Hammershaimb møtir Marx og Freud
Móðurmálsdagurin 2017 verður í Løkshøll 25. mars
23.02.2017
Gestur í nýtt starv í Nuuk
Gestur Hovgaard verður instituttleiðari á Ilisimatusarfik
Fleiri tíðindi...
Vísir 1 til 10 av 1682
Samband
Fróðskaparsetur Føroya
J.C. Svabos gøta 14
FO-100 Tórshavn
Tel.: +298 352500
Faks: +298 352501
setur(at)setur.fo
CMS::TypoConsult